Mtu asemapo 'anakwenda nyumbani' picha na hisia za usalama, joto la upendo, starehe na kukubaliwa na jamii huzuka. Kizibio kutoka janga zinazojulikana na zisizojulikana, ambazo ni afadhali ziachwe pale ambapo haziwezi kudhuru; nje! katika familia za kawaida mawaidha yoyote anayopata ni ya kukusaidia na kukusalimisha dhidhi ya janga mbalimbali. katika familia bora kila mtu hujali masilahi ya wale wengine wasije wakapata maafa yoyote. Hivyo basi nymbani ni kwnye furaha na amani.

Maelfu ya wananchi Wakenya, vijana kwa wazee, wamepotoshwa au wako karibu kupotoshwa kwa sababu ya janga la unywaji wa pombe na matumizi ya madawa za kulevya. Wengi wa Wanakenya hawa wamekaribia kupoteza maisha yao. Nchi yetu inalia; ghasia kwenye mashule pamoja na vifo vya watu wengi kwa wakati mmoja, ubakaji, majaribio ya ubakaji na uharibifu wa mali ya mashule vimekuwa vitendo vya kawaida vinavyofanywa na vijana waliolewa pombe na madawa ya kulevya.

Isitoshe, kuongeza uovu wa janga hili maradufu ni maenezi ya ugonjwa anaosabibisha kifo - UKIMWI. Je, tunangoja nini? Tumekawia sana kufanya jambo ili kutatua janga hili linalozorotesha kwa kasi ilhali kilio cha kutuhamasisha kimekuwepo muda mrefu.

Inatubidi turudi kwenye wakati wa ustaarabu. Wakati ambapo matumizi ya madawa ya kulevya haukujulikana sana na unywaji na idhini ya kunywa pombe, na unywaji wa pombe kwa wingi ulishutumiwa. wakati ambapo vijana wangeweza kustarehe bila kunywa pombe au kutumia madawa ya kulevya. Tunahitajika kutupilia mbali hizi 'janga picha' za unywaji wa pombe na utumiaji wa madawa ya kulevya: tunahitaji kwenda nyumbani.

Jina 'goinghomedotcom' imezuka kutokana na ukweli kuwa 'nimerudi nyumbani' kuwa yule muu niliyekuwa kabla sijaanza kunywa pombe. Nilikuwa nje kwenye baridi, pombe ilikuwa imenirusha nje ya nyumba yangu, lakini sasa nimerudi nyumbani. Ninataka vijana wetu waurdi nyumbani pia. Sehemu ya 'dotcom' ya jina 'goinghomedotcom' inarejelea ukweli kuwa kizazi cha wakati huu cha vijana kimepewa jina 'kizazi cha dotcom'. Kizazi hiki ndicho ninachokusudia ujumbe huu kwa kiwango kikubwa. Pia ninatumia mtandao na njia nyingine kisasa ambazo zinaendelea kuibuka, zinazojulikana kama teknolojia ya dotcom ili kuwasilisha ujumbe wangu.

Kwa nini 'goinghomedotcom' imeendelezwa kwa herufi ndogo ya 'g'? Hii ni kwa sababu msaada huu hautuhusu sisi bali unakuhusu wewe. Sisi tuko hapa kukutumikia kwa unyenyekevu. Ujumbe huu si kunihusu mimi, bali unakuhusu wewe. Niliamka kutoka ndoto yangu mbaya kwa sababu mtu fulani alinipatia wakati wake, kunizungumzia bila kukata tamaa ya kubadilikia kwangu. Mimi nawapatia wengine nilichopewa kutumia na kuendeleza.

Hadhira ya Wakenya haijangundua uzito wa janga la unywaji wa pombe na utumizi wa madawa ya kulevya kote nchini. Pombe hasa, haieleweki kama dawa ya hatari. Unywaji wa pombe kwa wingi na vinwaji vingine vinavyoweza kkulewesha wakati wowote na pahali popote, unaangaliwa kama tu starehe zisizodhuru.

'goinghomedotcom Trust' imeandikishwa katika Nchi ya Kenya kama muungano wa kusaidia jamii. Lengo la muungano huu ni kujilisha watu kote nchini (na pia Afrika yote) kuhusu hatari za pombe na dawa zingine na pia kuwapa Wakenya motisho ya kutaka kujifunza mengi juu ya jambo hili. Imesemekana kuwa ujuzi ni nguvu. Hatuhitaji mashirika mekubwa na mamilioni kupigana na janga hili. Tunachohitaji ni ujuzi tu! Unapojifunza juu ya pombe na dawa zengine, halafu ufunze jamaa yako, mara moja nchi huelimika. Nchi iliyo na ujuzi ni nchi iliyo na uwezo. Jichunge na Jifunze! 'goinghomedotcom Trust' inakusudia kuhamasisha mwenendo mpya wa maisha katika nchi yetu ya Kenya, hasa kati vijana. Mwenendo huu wa maisha utawaonyesha vijana kwamba kuwa 'high' au kulewa ni jambo la zama na kutolewa ndio maisha ya kisasa.

'goinghomedotcom Trust' inakusudia kufanya jambo hili kwa kuwahusisha vijana ili waone hatari iliopo, waone kuwa hakuna haja ya kukunywa pombe na kutumia dawa ya kelevya na wagundue hatari ilioko katika pombe na dawa zingine.

Ni lazima vijana wagundue kuwa kwa kutumia pombe na dawa zingine vibaya wanajiweka kwenye hatari ya kupata ugonjwa wa UKIMWI au virusi ya HIV. Vijana pia wanapaswa kujua kuwa janga hili wa UKIMWI na HIV inaharibu, bila huruma, maisha ya mamia ya vijana kila siku na kwamba ni lazima kuwe na marekebisho ya mawazo ambayo yataleta mabadiliko ya tabia. Ni kwa njia hii tu ambapo ujuzi waliopata utakuwa na manufaa.

'goinghomedotcom Trust' pia itasaidia wale ambao wanateseka kwa sababu ya unywaji wa pombe na matumizi ya madawa ya kulevya kupata ujumbe na mawaidha yote kuhusu hali yao, mahali ambapo wanaweza kupata usaidizi na pia matokeo ya kutopata usaidizi. Ujumbe huu wote umeandikiwa katika lugha inayoeleweka na ni bure katika mtandao huu wa - www.goinghomekenya.org. Ujumbe huu wote utakuwa unapatikana kwa mtu yeyote Kenya na pia nje ya Kenya. Kwa njia hii mtandao huu utakuwa maktaba ya usaidizi muhimu kwa watu wanaoishi mashambani na kwa wanafunzi, ambao wanaweza kuchapisha ujumbe huu na kutoa nakala nyingi, ili kueneza habari hii kwa watu wengi kwa bei nafuu.

Kwa hivyo malengo ya 'goinghomedotcom Trust' ni kuleta na kuhumaisha:

• Uvumbuzi kwa wenye mamlaka na wananchi kawaida wa Kenya kuwa uraibu wa pombe ni ugonjwa na wala si 'udhaifu katika kufuata itikadi za kidini' au 'utovu wa tabia'; ili kuweza kupambana na shutumu, aibu na machukio yasiyo na msingi mufti ambazo zimefungamana na ugonjwa huu. Kwa njia hii walioangamizwa na ugonjwa huu wa uraibu pamoja na familia zao wataweza kutafuta utabibu bila kuwa na vikwazo vingi nafsini mwao
• Kuonyesha uhusiano uliopo baina uraibu wa pombe na utumizi wa dawa nyingine za kulevya na ugonjwa wa UKIMWI au kuangamizwa na virusi vya HIV. Ukweli kuwa utumizi wa madawa ya kulevya na ugonjwa wa UKIMWI na virusi vya HIV zinaandamana huwa hauhamasishwi kwa kiwango cha kutosha. 'goinghomedotcom' inakusudia, kupitia kampeni, kuzindua Serekali ya Kenya pamoja na wakenya wa tabaka zote, hasa vijana, kuona kuwa uambikizaji wa ugonjwa wa UKIMWI na virusi vya HIV ni sambamba kabisa na utumizi wa madawa vya kulevya. Kwa hivyo lazima sheria zilizoko kupingana na ugonjwa wa UKIMWI na virusi vya HIV zihusishe ujuzi juu ya dawa za kelevya, na jinsi utumizi wa dawa hizi unavyohusiana na ugonjwa wa UKIMWI au na kuangamiza na virusi vya HIV.
• Shauku miongoni mwa Wakenya kuungana kueuza sheria kwa sauti moja, pale ambapo sheria zilizoko zinahamiza utumizi mbaya wa vinyaji vilivyo na uwezo wa kulevya, miongoni mwa vijana na Wakenya wote kwa jumla.
• Kuhimiza wanofanya kazi kwenye vyombo vya habari kuendeleza tabia ya utumizi bora wa pombe, kwa kuwa watu ambao wanaweza kuigwa. Wafanyakazi hawa wanaweza kuwa mfano mwema kwa jamii kwa kuchuja matangazo wanayosambaza na hasa ripoti kwenye redio (redio ikiwa na uwezo wa kusikilizwa na watu wengi sana, hasa vijana).
• Kuhimiza njia bora za kueneza habari katika vyombo vya habari (kutoka matangazo kuhusu bidhaa mpaka ripoti juu ya matukio) juu ya pombe na ulevi katika kizazi cha wanaripota kijacho. Jambo linaweza kufanywa kwa kuanza au kusaidia vyama vya uandishi vilivyoko mashuleni zilizo na lengo la kujulisha watu juu ya pombe na dawa za kulevya, hasa zinazolenga kwa ufasaha kupunguza kiwango cha pombe na dawa za kulevya zinazohitajika na watu.
• Nia thabiti miongoni mwa Wakenya kuona kwamba sheria zimetekelezwa pale ambapo sheria hazifuatwi, na kwa sababu hiyo kudhuru wakenya; hasa pale ambapo utumizi mbaya wa pombe na dawa za kulevya unahusika.
• Kujenga mazingira bora kwa kusaidia familia kutoka kwenye giza kukana kuwa kuna shida na hivyo basi kuwatafutia waraibu wa pombe matibabu.
• Ujuzi mara moja juu ya uraibu wa pombe na utumizi wa dawa za kulevya miongoni mwa Wakenya na jinsi janga hili linavyohitaji kushugulikiwa kwa uthabiti kwa njia ya Elimu, Habari na Mawasiliano (HEM). Hii ni kwa njia ya uchapisaji wa vitabu, matoleo ya kaseti za televisheni na DVD, matangazo ya ukutani, vijitabu vidogo vya habari na kadhalika.
• Rekebisho katika jinsi ya kuishi, kufikiria na mila mwongoni mwa vijana juu ya jinsi wanavyoelewa pombe na inavyotumiwa, tukiwa na lengo la kupunguza kiasi cha pombe inayohitajika na watu.
• Elimu ya kugutusha juu ya habari za pombe na dawa za kulevya miongoni mwa vijana na hadhara kwa jumla. Hii itafanywa kwa kutumia vyombo vyote vya habari yaani redio, runinga, maandishi yaliyochapishwa, mchezo ya kuigiza, nyimbo, matangazo ya ukutani, vijitabu vidogo vya habari na kadhalika.
• Elimu juu ya hatari ya bidhaa zilizotengenezwa na tumbaku na jinsi bidha hizi zinavyotumiwa na vijana.
• Elimu juu ya hatari ya uvutaji sigara kutoka kupumua moshi unaopulizwa na wanaovuta sigara inayojulikana kama Moshi ya Tumbaku ya Mazingira (MTM).
• Ufahamu wa umuhimu wa kutengeneza sheria kali ili kuzuia kabisa matumizi ya tumbaku katika majengo yanayotumiwa na watu wengi, mashule, hoteli, magari ya kubeba abiria na kwingineko ambako Wakenya hukusanyika kucheza michezo au kufanya kazi.
• Kufanya uchunguzi katika shule za msingi, shule za upili na mashirika mengine ya elimu ili kujaribu kupata maelezo yaliyoelezwa kwa kutumia hesabu, zitakazotumiwa kutengeneza kampeni za kufaa, dhidhi ya pombe na matumizi ya dawa za kulevya na hata katika mambo mengine.
• Anzisha vyama kwenye mashule na miongoni mwa wale walio na vizuizi vingi maishani mwao ambako wataweza kujifunza juu ya pombe na dawa zingine. Kwa njia hii wataweza kueneza habari hii kwa rafiki zao.
• Halmashauri ambako wananchi wanaweza kupata habari juu ya ugonjwa huu wa uraibu wa pombe na jinsi inavyowaathiri wao wenywe na jamii nzima.

Mimi kama mraibu wa pombe anayeendelea kupona, niliyepoteza miaka na pesa nyingi nikijaribu kupata mtu kunielezea kwa njia sahili shida yangu njia zilizoko za kutibiwa, ninataka watu wengine na familia zao wasipitie tabu hii kali. Bado naona walevi wengi wakipitia tabu hiyo iliyonipata, wakisukumwa kutoka pahala pamoja hadi pengine; wakati huo mabishano yakienedelea juu ya matibabu yanayoponesha na yasiyoponesha.

Wengine ni tu watu wasiokuwa waaminifu wanaotazama walevi na hali yao mbaya kama nafasi ya kupata pesa; kwa kudai aina nyingi za 'malipo' ilhali hawawapi walevi usaidizi wowote unoleta matokeo mazuri.

Wakati umewadia kumaliza unyanyasaji wa familia zilizoteseka mithili ya kwenda jehanamu na kurudi, pamoja na wanafamilia waraibu wanaopendwa sana na familia zao. Wakati umewadia kuwaambia Wakenya kuwa kuna msaada na kuwa TUMAINI ipo. Kuna uwezo wa kutupilia mazoea ya ulevi na utumizi wa dawa za kulevya.

'goinghomedotcom Trust' itajitahidi vilivyo kupinga ulaghai wa aina yoyote na uwongo wa moja kwa moja wanaoambiwa mraibu wa pombe pamoja na family zao.

Uwongo huu husambazwa na watu wanaochukua nafasi ya kujinufaisha kwa sababu ya kufa moyo na uchungu wa uraibu na familia zao. WAKATI WA KUACHA KUTESEKA NI SASA!

Kwa sababu hizi ninahisi kuwa uoni wangu wa 'goinghomedotcom Trust' umekuja wakati uaofaa sana. lakini ili uoni wangu huu ubadilike kutoka kuwa ndoto mpaka jambo halisi ni lazima tuwe na muungano wa kimawazo na tusaidiane katika juhudi hii. Tupe fursa ya kurudisha vijana wetu numbani - kwa wakati wa utulivu. Pamoja tunaweza kufanya jambo hili.

David Ogot Snr.
4th May 2001.

Mtandao huu umetengenezwa na David Ogot snr. na unadumishwa na
Science & Engineering Research Center
©goinghomedotcom 2001 - 2006
Disclaimer Privacy Policy